المهم انك تكوني يابعد ذاتي سعيده
روحي له الحين يالله واسمعي صوته وملامه
ولا تشيلي هم قلبي عيشي دنياك الجديده
قولي انك قبل حبه تمشي في دربك وحيده
ولا تجيبي لي طاري وتسمعي منه ملامه
سولفي عنك وعنه وصيري عن قلبي بعيده
وان بغيتيني تعالي وعوضي فيني خصامه
وصدقيني في النهايه انتي وحدك مستفيده
دام قلبي من غلاتك يفز من منامه
اشهد انه حيل حبك من وريده لي وريده
وكان همي بس اشوفك طايره مثل الحمامه
ان فرحتي كنت افرح واكسر بيوت القصيده
كنت اشوفك في عيوني مثل زرقاء اليمامه
وين ماقلبك يسافر كانت عيوني تصيده
شفتي هذا الكون كله بالرجوله والشهامه
لو بغيتيني ابيده والله لعيونك ابيده
كنت احارب لجل حبك والقوي اكسر عضامه
وكان قلبي لك اسير وكانت عيوني شهيده
قلبي والله من عرفتك صرت مدري وش علامه
كل ماصرتي بعيني شفت نبضاته شديده
وقدرك اللي انحنى لي وقلت عز الله مقامه
عالي قدرك في عيوني وكل ماشفتك ازيده
انتي لو عني تغيبي صارت جروحي يتامه
خافي الله لانويتي ولا تضحي في عبيده
كنت اسهر من غلاتك حتى ليلي ماانامه
وانتي مشغوله بغيري ودوم اشوفك تحت ايده
كان ودي بس احضى بحب قلبك واهتمامه
الشعر عنك اقوله وانتهي منه واعيده
كنتي امنيتي بحياتي وكنتي في قلبي مرامه
ان كتبتك في حروفي صارت القصه فريده
كنت اشعل لك كفوفي لجل انورلك ظلامه
كنت اضحي في حياتي لو نوالك بالمكيده
ماحشمتي قلب شخص له شموخ وله كرامه
قلبك انتي صار فجأه والله ياحلوه يقيده
في زمن نادر وجودي وياكثر فيه الرخامه
صار عادي في زمنا الاخو يقتل عضيده
الحديده في يديني والقضيه اتهامه
وانتي القاضي وطبعاً ماتحسي بالحديده
صدقيني حيل احبك والوعد يوم القيامه
ويل منهو كان يكذب وكانت ذنوبه عديده
اتركيني لجل عينه كان لك حبه ابتسامه
المهم انك تكوني يابعد كلي سعيده
انسي اللي صار كله وصيري له منبع هيامه
وان ذكرتيني بغيابي قولي عن روحي فقيده
مابي من قلبك الا طول عمره والسلامه
خلي بالك من زمانك دنيتك هاذي عنيده
بقلم عاشق النت
انا عاشق النت إسم على مسمى, اعشق برنامج الفوتوشوب وأحببت إنشاء هذه المدونة لاضع فيها كل ما يتعلق ببرنامج الفوتوشوب من دروس وملحقات وصور وتصاميم حتى تكون طريق المستخدم العربى ليصل الى الاحترافية
0 التعليقات:
إرسال تعليق